ORANJESTAD (AAN): Entrante awe Diaranzon 12 di October 2022, prijs di gasolin ta baha aun mas na Aruba.
Esey segun un boletin oficial emiti Diamars mainta door di Gobierno.
Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 12 di oktober 2022:
Gasoline unleaded-premium lo baha cu 13.1 cent, pa wordo bendi awor na 254.9 cent pa liter.
Diesel LS lo baha cu 10.5 cent, pa wordo bendi awor na 259.4 cent pa liter.
Kerosin lo baha cu 7.4 cent, pa wordo bendi awor na 240.1 cent pa liter.
E prijsnan ta inclui BBO/BAZV/BAVP.
