Garantiza derecho na Alimentacion: Pa un Bida Mihor y un futuro sostenibel

Awe ta Dia di Alimentacion

ORANJESTAD (AAN): Awe ta observa Dia di Alimentacion!  E derecho na alimentacion ta fundamental pa garantisa un bida mihor y un futuro sostenibel pa hende y sociedad. E derecho akí ta referí na acceso na alimentonan suficiente, sigur y nutritivo cu ta cubri e nesecidadnan di dieta y ta promove salud. Esaki ta directamente relaciona cu e capacidad pa biba cu dignidad, liber di hamber, malnutricion y inseguridad alimentario.

   Promove e derecho na alimentacion no ta solamente pa trece solucion pa hamber di awor, pero tambe pa crea sistema cu ta garantisa seguridad alimentario riba largo plaso. Esakí ta incluí:

   Practicanan agricola sostenibel: Garantisa cu e alimentonan ta worde produci di tal manera cu ta conserva recurso pa e futuro generacionnan.

   Sistema di distribucion Husto: Haci cu e alimentonan ta accesibel pa tur hende, sin mira su estado socioeconomico.

   Educacion riba nutricion: Duna hende poder pa tuma decision y informa riba nan dieta pa un bida mas saludabel.

   Mal gastamento di cuminda: Reduci perdidanan di cuminda y segura cu e cuminda ta redistribui na e persona cu ta den nesecidad.

Proteha e derecho na alimentacion ta habri caminda pa un populacion mas saludabel cu ta yuda den crecemento economico, stabilidad social y sosteniblidad medio ambiental cu ta e piedra principal pa un mihor futuro.

   Ta proteha e derecho di tur hende: “Tur hende, sin excepcion tin e derecho pa come pa cubri nan nesecidadnan nutritivo. Cu e campaña akí nos kier asegura cu ningun hende ta sufri di hamber of falta di alimentacion den nos comunidad.”

   Esaki no ta solamente un esfuerso pa trece solushon temporal, sino un compromiso pa crea sistema cu ta sostenibel y husto cu ta encapsula: Implementacion di practicanan agricola sostenibel cu ta proteha nos recurso natural pa e futuro generacion. Distribucion husto pa cuminda ta bin na man di tur hende sin distincion.Provee educacion riba nutricion pa empodera comunidadnan pa tuma decisionnan, informa riba cuminda cu no ta solamente ta alimenta nan curpa, pero tambe nan mente.

    Nos ta invita tur hende den nos comunidad pa uni man cu nos den e lucha pa trece un fin na hamber. Nos ta yama henter e sector publico, priva, y tur ciudadano pa pone nan parti pa haci donacion di cuminda of pa forma parti di programanan di voluntario cu ta asisti na redistribui cuminda pa esun den necesidad.

   Productornan mundialmente ta produci suficiente cuminda pa alimenta mas di e populacion global pero hamber ta persisti.

   Aproximadamente 733 miyon hende ta enfrenta hamber den mundo debi na combinacion di factornan incluyendo shok di tempu repetidamente, conflicto, declinacion economico, desigualdad, y e pandemia. E desafionan aki ta afecta mas gravemente e hende pober y vulnerabel. Hopi di nan ta casnan agricola cu ta refleha e desigualdad cada ves mas hopi cu ta crece atravez y den e país.

   Cuminda ta e tercer necesidad humano mas basico: Despues di aire y awa tur hende mester tin e drecho na cuminda adecua. E derecho humano ta fundamental, manera e derecho na cuminda, bida y libertad, trabao, y educacion ta reconoci pa e “Declaracion Universal di Derecho Humano y di coveneo internacional cu tin forsanan legal.

   “Foods” “Cuminda” ta representa diversidad, nutricion, pagabel, acsecibilidad y seguridad. Un diversidad mas grandi di cuminda nutriciona mester ta disponibel den nos tera, retnan di pesca, mercadonan, y riba nos mesa na beneficio di tur hende.

   Mas di 2.8 biyon hende den mundo no por permiti un dieta saludabel. Dietanan no saludabel ta e causa principal di tur forma di malnutricion, deficiencia di micro-nutriente y obesidad cu awor ta exsistí den mayoria di pais crusando klasnan socio-economico. Aunke awendia, hopi hende ta sufri di hamber y no por permití dietanan saludabel. Mas hende vulnerabel cu tin biaha ta depende riba cuminda basico of cuminda menos costo cu por ta no saludabel mientras otro hende ta sufri di falta di disponiblidad di cuminda fresco of varia. No tin e informacion nesecario pa scohe un dieta saludabel, of simplemente ta opta pa facilidad.

Hamber y malnutricion ta empeora pa crisisnan prolonga cu ta surgi di un combinacion di conflicto, eventonan climatico exstremo y shoknan economico. Sistemanan agricola y di cuminda den su totalidad ta vulnerabel pa desastrenan y crisis, specialmente e impacto di cambio climatico pero mesora nan ta generando polucion, degradando suelonan, awa y aire y ta contribuí na emicion di gasnan di invernadero y perdida di biodiversidad. Na transformcion di e sistemanan agricola y di cuminda tin un gran potencial pa mitiga cambio climatico y suporta bida pasifico, resiliente y incluso pa tur hende.

   Loke ta dietanan saludabel: Aki por nota cu “Dietanan saludabel” mas bien tata:

  (*) Diverso: cu ta inclui un variedad di cuminda for di diferente grupo di cuminda (fruta, berdura, proteina, grananan, etc.).

  (*) Balancea den energia: Cu ta duna e cantidad corecto di calorinan sin ecceso.

  (*) Adecua pa cubri e nesecidad di nutriente: Cu ta suministra vitamina, mineral y otro nutrientenan esencial pa mantene un bon salud.

  (*) Modera den consumi cuminda no saludabel: Limitando cuminda cu ta halto den suco, vet, no saludable y ingredientenan procesa.

   Sistemanan agricola y di cuminda tin un rol fundamental den asegura cu tur hende tin acceso na dietanan saludabel, tanto awor y den futuro. Pa logra esaki, tin nesecidad di mas compromiso, inversion, y enfoke innovativo pa sostene sistema di cuminda cu ta beneficia tanto hende como planeta.

   Den 2024 e comunidad internacional ta celebra un mito importante den un mihor humano pa mantene cuminda adecua: E 20 aniversario di “Guia Voluntario pa sostene Realisacion Progresivo di e Derecho na cuminda adecua den e contexto di Seguridad di Cuminda.

   E guia pa derecho na cuminda ta duna guia practico pa estadonan riba con por garantisa e derecho na cuminda adecua door di desaroya strategia, programa, política, y leynan. E 20 aniversario aki ta un yamada na gobiernonan pa un compromiso global mas fuerte pa garantisa e derecho na cuminda adecua pa tur hende, door di sistemanan agricola y di cuminda cu ta sostenibel, husto y transforma.

   Di parti Departamento di Agricultura, Cria y Pesca Santa Rosa nos mas sincero felicitacion riba Dia Mundial di Alimentacion na tur nos productornan local cu ta traha incansabeblemente pa nos Aruba por disfruta di un otro otro productonan fresco localmente. Nos ta conciente tambe cu no ta tur ora e ta bay manera nos ta desea pa motibo di un factor hopi importante cu ta awa. Asina mes cu tin otro recursonan pero toch esaki ta keda hunga un rol importante. Esaki no ta kita cu nos productornan local no ta perde speranza y ta keda intenta. Sigur bo por tua nota den nos multiple mercadonan cu nos ta organiza aki na Santa Rosa cu ta pruebanan palpable cu nos por.