ORANJESTAD (AAN): E ganadora di e sorteo di Lotto di Dia di Diabierna anochi, a presenta Diamars na oficina di Lotto na Playa pa reclama su premio.
Esseline a splica cu el a cumpra e numbernan aki riba un ticket loco. Y el a bira feliz ora di mira cu e numbernan ganador a bira: 02, 10, 13, 20, 21.
Diamars ora di yega na oficina di Lotto, el a entrega su ticket riba cual ya caba el a pone su firma y su numbernan di banco.
Ora cu a scan e barcode den e computer, mesora e mashin a confirma cu Esseline a gana 108.000 Florin cu e sorteo di Lotto di Dia.
Mesora a cuminza cu e proceso pa transferi e premio electronicamente pa su cuenta di banco. Esseline mes a indica cu e ticket ganador a wordo bendi na Manton II Lottery.
