ORANJESTAD (AAN): Siman pasa riba e sorteo di Diaranson 15 di December anochi, e resultado di Lotto di Dia a produci e numbernan 02, 03, 14, 23, y 28.
Pa e wega aki tabatin un solo ticket ganador cu a gana e premio di 86.000 Florin cu tabata na e jackpot.
Riba Diamars 21 di December, e ganador a presenta na oficina di Lotto na Playa.
Asina Vivian a mustra e trahadornan su ticket, y nan a revisa si el a pone su firma y tambe su number di banco riba dje.
Nan a scan e barcode, y inmediatamente e computer a confirma cu el a gana 86.000 Florin cu e sorteo di Lotto di Dia.
Despues di esey mesora a transferi e premio electronicamente pa su cuenta di banco.
Vivian a splica, cu e ticket ganador el a cumpra na Suemar Lottery.
