ORANJESTAD (AAN): E wega di Mini Mega ta uno cu bo por gana bon placa cune. Si acaso bo no saca tur number on, e segundo premio tambe ta paga bon.
Pesey mes riba Diaranson, e dama Lucia a pasa na oficina di Lotto na Playa pa busca su premio. El a presenta cu su ticket di Mini Mega cu el a pone su firma na e banda patras di e ticket, y el a entrega esaki pa nan scan e barcode.
E computer di Lotto inmediatamente a indica, cu Lucia a gana e suma di 22.751 Florin cu Mini Mega.
Despues di esey, mesora a start e proceso pa asina transferi e premio electronicamente pa su cuenta di banco.
Lucia a indica cu e ticket ganador mes el a cumpra na Lucky Cher-Ann 3.
