DETROIT: Tabata e anochi di Dialuna 13 di September cu Gregory Jarvis tabata manera costumber den e bar Bluewater Inn na Caseville (Michigan) na Merca,
ora cu el a bin haya sa cu el a gana e premio gordo di Michigan Lottery, cu nan yama ‘Club Keno The Jack”.
Algun dia despues el a regresa na e club y a invita algun amigo pa bin brinda y bebe hunto cune. Pero ainda e no a bay reclama e premio di 45.000 Dollar pa un problema cu su Social Security, toch e ta hopi emociona ta kico e lo bay haci cu e placa ey.
Desafortunadamente, esey a bira e ultimo biaha cu e trahador- y clientenan frecuente di e negoshi a mira Jarvis.
Un siman despues, ningun hende a haya tende nada mas di e ganador di Lotto. E prome dia nan a pensa cu e lo ta haciendo tur tramite pa reclama e premio, y otronan a kere cu e lo no regresa pasobra su bida a cambia, pero esnan cu realmente conoce, a cuminza preocupa pasobra a cuminza pensa cu algo malo a pasa cune.
E sospecho a cuminza bira berdad, ora cu e Hefe di Jarvis a yega na e Bar, puntrando si nan sa algo di dje, pasobra e no a bay traha mas. Esey tabata un situacion cu a preocupa hopi hende conocir.
Pero despues, a bin haya sa cu habitante di un beach priva a yama Polis pa bisa nan cu tin un curpa sin bida ta drief na oriya di lama cerca di un boto. Y tabata trata aki di Jarvis.
Segun prensa local, Polis a nenga cualkier relacion di e morto cu e placa gana, entre otro, pasobra den su saco di carson a bin haya e ticket ganador ainda.
Polis ta convenci, cu Jarvis tabata marando su boto, e lo a trompeca y cay y a dal su cabez, y ey ta unda cu el a finaliza den awa. Esey ta un hipotesis cu e Autopsia a confirma tambe.
Autopsia a mustra cu Jarvis tabatin golpi na su cabez cu ta similar cu ora bo dal bo cabez na e boto, y el a hoga. Esey segun Police Chief Kyle Romzek.
E trahadornan di e Bar y hendenan cu conoce a lamenta su morto, y a bisa cu e tabata un bon persona, pues nan a kere cu e lo bay usa e premio pa bishita su famia na North Carolina.
