Gabriella Piazzi a gana premio di Miss Trahe di Gala

ORANJESTAD (AAN): Diadomingo anochi a tuma lugar na Cas di Cultura, e evento final di Miss Teen Aruba International 2021.

   Algo cu a hala atencion inmensamente, ta e seccion di e ocho candidatanan canando riba escenario cu nan trahe di gala.  Creacionnan divino, cu yen detaye, y sigur algun cu tabata briya inmensamente.

   Huradonan a dicidi, cu e candidata cu mihor Trahe di Gala, ta Gabriella Piazi representando The Salon.  Un bunita creacion di Roberto Avalo cu a briya den color di oro bibo, cu a hala atencion di comienzo te na final.