ORANJESTAD (AAN): E ta un dia special! Awe Diaranson 8 September 2021, un palabra di pabien ta bay na tur Fysiotherapistanan rond mundo,
en particular e Fysiotherapistanan na Aruba cu ta brinda comunidad su servicio professional diariamente, cu nan dia Special di Fysiotherapia.
Segun Arubaanse Vereniging van Fysiotherapeuten (AVF), e meta ta pa yuda cada pashent minimalisa su dolornan y por ta activo bek fysicamente. Esaki ta e parti primordial den nos tratamentonan.
Ta conoci cu no aki na Aruba so pero mundialmente e peticionnan pa ricibi un trato di Fysiotherapie a aumenta drasticamente, den e ultimo aña y mey.
E ser humano a bira mas conciente cu un dieta bon balansa ta bay acompaña cu ehercicionan pa keda saludabel y stimula e systema inmunico; e ultimo ta algo hopi importante den e Pandemia aki.
Banda cu e Fysiotherapista ta trata y guia su pashentnan cu ehercicionan, nan por asisiti alavez cu problemanan respiritorio, neurologico y problemanan cu vocht. E Fysiotherapista tin un educacion amplio cu por haci tratamentonan diversifica.
Cu e dia di celebracion aki, e Fysiotherapistanan di Aruba ta tuma e oportunidad di vocifera, cu nan lo keda contribui na na sociedad por medio di nan profesion!
