Michelle Croes-Matos ta anuncia:
ORANJESTAD (AAN)—Michelle Croes-Matos, di Fundacion Zinnia, den entrevista cu DIARIO a anuncia cu e aña aki e fundacion tin cinco “bus Amigo Didi riba caminda bek pa yud’e.
Esaki ta un servicio di transporte pa busca hende cu solicita esaki, den e punto cu e ta determina y trec’e bek, pa un familiar bin busk’e hiba caminda pa cas. E ta encera un contribucion chikito di e cliente(nan).
E fundacion ta solicitando pa traha gruponan den pueblo pa haya e transportacion aki hunto.
Michelle Croes a splica cu cuater aña pasa nan a pone algun bus cu tabata disponible y esaki a resulta un exito grandi. E busnan aki ta wordo pidi tur aña pero na 2020 Covid-19 a haci su entrada na Aruba, y esaki a trece cu ne, cu e transporte aki a bira hopi mas dificil, pero e aña aki tin cinco bus riba caminda bek.
Croes-Matos a indica cu e fundacion ta desea pa pueblo cera nan gruponan, y nan tin “un pick up points y un drop out points”.
“Locual nos kier enfatiza riba dje, mas cu claro, ta cu ora nos baha e hendenan aki, cu nan a dal algun drinks, esey kiermen cu nos ta busca bo y hiba bo, pero ainda bo tin cu regla p’asina un familiar pasa busca bo. Hopi biaha nan kier haya un hende pa busca nan pero ken ta bay den e drukpel?
Fundacion Zinnia ta haci esey, bo no tin cu stuur, pero mi mester bisa cu e boetnan, e parti emocional, ta hopi mas grandi cu e suma chikito cu nos ta pidi pa cu e transporte aki”, Michelle Croes-Matos a señala.
