Special pa yuda mamanan soltera
ORANJESTAD (AAN): Entrante awe por bolbe cuminsa inscribi pa e Proyecto Yamo (Young Adults Moving On) di Fundacion SEDA (Stichting Educacion Digital Arubano). DIARIO a compronde cu inscripcion pa September a cuminza.
SEDA ta un organisacion sin fin di lucro cu ta traha specificamente pa educacion en general na Aruba. E Projecto YAMO ta pa studiantenan cu pa un motibo of otro no por sigui nan school normalmente, y cu por sigui materianan cu lo yudanan hisa nan nivel di idioma (hulandes-ingles-spaño), rekenen / wiskunde, boekhouden, computacion.
E programa tambe ta prepara e studiante di 18-30 aña pa pasa e landsexamen. E grupo ta atende ful siman di 2:30 pm - 4:30 pm cu dos materia pa dia, di Dialuna pa Diahuebs. SEDA ta traha cu diferente organisacionnan social na Aruba. Studiantenan por sigui e lesnan online of presencial dependiendo di e situacion.
Pa mas informacion di SEDA, por bay riba e website sedaruba.org y tambe por hasi uso di e link aki pa inscribi pa e YAMO project:
Hunto cu CEDE Aruba, SEDA ta contribui na yuda e enseñansa di Aruba, usando technologia y guia personal pa e studiante cu pa un of otro motibo no ta den un organisacion educativo actualmente. Un danki na CEDE Aruba cu ta esun cu ta hasi e projecto aki posibel den cooperacion cu EPI, FPNM, WGK, ADRA, Casa Cuna, SKOA, Fundacion Respetami, OC, Fundacion Guiami, Centro pa Hoben y Famia, Minister di Enseñanza y Deporte y tur cu a kere den e proyecto aki y cu ta traha duro pa garantiza cu ningun mucha of hoben keda atras den enseñansa. Inscribi awor!
