Micheline Mathurine Medewerker:
- Lo tuma lugar na Odres Nuevos
ORANJESTAD (AAN)-- Fundacion Respeta Mi ta den un etapa nobo, y esey kiermen cu e fundacion kier logra, cu tur su proyectonan, cu durante 35 aña nan a bin ta desaroya, trece den grandi.
Asina señora Micheline Mathurine, Bureau Medewerker, Specialista den proteccion di Mucha, a duna di conoce cu p’esey nan ta bay lanza un “Panda Live Show” riba un tereno nacional, unda nan kier abarca tur e muchanan pero tambe pa mayornan bin hunto cu nan muchanan.
“Esey lo tuma lugar den luna di December dia 4, na edificio di iglesia Odres Nuevos na Paradera 4, cual no ta pa scolnan priva, y algun scol a cuminza subscribi caba. Manera nos a cuminza traha riba e proyecto aki algun scol a haya invitacion caba y nan a subscribi pa e show aki.
Dia 5, e lo ta publico en general, y nan por bin cu nan muchanan. E ta dirigi na mucha di 4 pa 8 aña. E detayenan di horario lo wordo anuncia despues”, señora Mathurin a indica.
El a agrega cu mayornan por cuminza busca tickets na Oficina di Fundacion Respeta Mi, y por si acaso no ta haya nan den oficina por manda un WhatsApp na 564-0270, y nan por aparta tickets si ta necesario.
“Nos kier gradici tur nos sponsors cu a haci esaki posibel pasobra esaki ta un proyecto cu a dura un aña mas of menos, cu nan ta trahando riba dje pa acumula sponsors, sinta pensa riba e diferente formanan con nos kier trece esaki padilanti. Y esaki lo bin hunto cu un jingle y un animacion cu lo wordo lanza dia 23.
Esaki lo ta pa e veld profesional, pero nan a haya nan invitacion caba”, señora Mathurin a indica.
El a sigui bisa cu despues di esey nan lo sigui cu un Panda Touring, y esey unda cu lo enfoca riba e articulonan di Derecho di Mucha, 19-34-36 y 39. “Tur cu ta papia riba proteccion di mucha, di un victima, pero tambe riba accesibilidad na informacion, tocante diferente forma di abuso di mucha”, Micheline Mathurine Bureau Medwerker di Fundacion Respeta Mi, a duna di conoce.
