Den cuadro di siman di conscientisacion di Dislexia
ORANJESTAD (AAN): Siman pasa den cuadro di e siman di concientizacion di Dislexia, Fundacion Pro Persona cu Dislexia a haci un bishita di cortesia na Minister Endy Croes.
Presente na e reunion aki tabata sra Eveline Arends cu ta Presidente di e fundacion, sra Roraima Dubero, secretario y sra Ivy Goeloe cu ta bestuurslid. E fundacion aki a lanta na aña februari di aña 2013, cu e meta pa yuda personanan cu mester di esaki.
Loke ta Dislexia: Esaki ta un trastorno den cerebro cu ta haci dificil pa siña lesa y skirbi cu precision y fluidez. Esaki ta un condicion pa bida largo, muchanan no ta supera Dislexia pero cu e apoyo adecua, e habilidad nan clave por worde mehora.
Hopi personanan exitoso tin Dislexia y investigadornan continuamente ta studiando dislexia pa mas di un siglo. Mester agrega cu Minister Endy Croes a scucha cu hopi atencion tur e puntonan treci dilanti pa e fundacion Pro Persona cu Dislexia, y sigur lo sondea tur posibilidadnan cu ta existi pa mas sosten y colaboracion di parti Gobierno pa di e forma aki por yuda trece tur informacion y ayudo pa personanan cu Dislexia mas cerca di e comunidad.
Minister Endy Croes a gradici Fundacion Pro Persona cu Dislexia pa e bishita aki.
