E biaha aki tin workshop tambe
ORANJESTAD (AAN): Fundacion Parke Nacional Aruba (FPNA), hunto cu Post Aruba, ta contento di por comparti cu su di tres comptencia anual di fotografia di naturalesa ta habri pa participacion.
E tema di e aña aki ta Aruba su Flor Nativo y FPNA ta invita tur mucha, yoben y adulto pa participate y experiencia con maraviyoso y diverso Aruba su biodiversidad di flornan ta. Como parti di FPNA su colaboracion cu Post Aruba, e ganadornan di e competencia lo wak nan potret bira un stampia cu lo worde usa ora di manda post.
Aruba su biodiversidad di flor ta increibelmente diverso, y cu Aruba su flor nativo central den e competencia di fotografia aki, FPNA su proposito ta pa consientisa y educa comunidad di Aruba con importante e ta pa proteha y conserva Aruba su mata y flornan nativo.
E competencia di fotografia ta habri den cuater categoria y ta sera dia 14 di november 2022.
- Categoria di Mucha: habri pa fotografonan entre 6 y 12 aña ariba dia cu e competencia sera.
- Categoria di Hoben: habri pa fotografonan entre 13 y 18 aña ariba dia cu e competencia sera.
- Categoria di Adulto Amateur: habri pa fotografonan di 18 aña bay ariba riba dia cu e competencia sera.
- Categoria Habri di Adulto: habri pa fotografonan profesional of no profesional ariba 18 aña di edad ariba dia cu e competencia sera.
Pa educa y encurasha fotografonan pa explora y captura Aruba su biodiversidat di flor diverso, FPNA lo ta organizando dos workshop fotografico pa fotografonan jong y amateur cual lo worde dirigi door di Giancarlo Nunes, Research y Conservation Manager di FPNA, hunto cu pintor, fotografo y specialista den multimedia, Armando Goedgedrag di Artmando Multimedia.
E dos workshopnan aki lo tuma lugar ariba dos dia separa pa muchanan y yobennan for participata. E proposito di e workshopnnan aki ta pa duna participantenan mas conocemento di Aruba su flornan nativo y guiansa den sacamento di potret pa asina participantenan por tin mas confianza pa participata den e competencia di fotografia.
E workshop lo ta riba Diasabra 29 di October 2022 pa muchanan di 6 pa 12 aña, y Diadomingo 30 di October 2022 pa hobennan entre 12 y 18 aña. E lo ta na Parke Nacional Arikok su Visitor’s Center, for di 8:00 am te cu 12:00 pm.
Actividadnan lo inclui: Conoce Aruba su flornan nativo mihor, guiansa den sacamento di potret, un caminata den Parke Nacional Arikok pa wak flornan nativo di cerca y mucho mas.
Pa mas informacion di e comptencia di fotografia di naturalesa porfabor bishita e website aki:
Pa registra pa e workshop, porfabor registra aki:
Tuma nota cu e ultimo dia pa registra pa e workshop ta 24 di october 2022.
https://diario.aw/categories/noticia/general/fundacion-parke-nacional-aruba-ta-organiza-un-competencia-di-fotografia-di-naturaleza-atrobe#sigProIdb4c0c6a9b1
