ORANJESTAD (AAN): Recientemente 20 trahador pedagogico di diferente centro di cuido y guia di mucha a termina e curso di Prome Asistencia/CPR y Siguridad.
E curso a wordo organisa pa Fundacion Pa Nos Muchanan y a consisti di un diamars anochi y un diasabra intensivo unda a siña con pa practica Prome Asistencia, CPR y siguridad paden y pafo di nan centro cuido y guia di mucha.
E parti di “Prome Asistencia y CPR” tabata na encargo di Rode Kruis y e parti di “Siguridad den y pafo di bo centro tabata na encargo di FPNM, alabes a enfatisa ariba e importancia Siguridad di candela, plan di evacuacion y con pa haci uzo di un brandblusser cu a ser duna pa Brandweer Aruba.
Un curso exitoso tras di lomba caminda FPNM ta gradici Brandweer Aruba y Rode Kruis pa nan tremendo instruccion y ta felicita cada trahador pedagogico, deseando nan exito den nan trabou cu mucha!
E centronan cu a participa ta Beautiful Sun Montessori, CEDES, Hofi Tobit Daycare, Kerekentenchi Speelschool, Little Zoo Daycare, Lilly Putters Speelschool, Love & Care Daycare, Shamis Creche, Stichting Edu Vision, YMCA Aruba.
