Fundacion Pa Nos Muchanan a participa den Reading Festival

ORANJESTAD (AAN): Den fin di siman cu a pasa, Fundacion Pa Nos Muchanan a participa na e ‘Reading Festival’ hunto cu Biblioteca Nacional Aruba cu a tuma lugar na Filomena College MAVO.

   Na esaki a enfoca riba e importancia di lesamento pa muchanan entre 0 - 2 aña y a haci dos actividad hunto cu mayor y yiu pa asina stimula e desaroyo di idioma y promove lesamento hunto cu bo yiunan.

   Fundacion ta mira e importancia di esaki, y pesey nan kier encurasha tur mayor y yiu pa bira miembro di Biblioteca Nacional! Si bo tin un baby, corda cu aki mes e miembrecia ta gratis y lo ricibi un pakete di Boekstart cu tin bukinan special pa muchanan chikito.

   Yuda bo yiu den su educacion di awor caba.. y cosecha e logronan despues.