Geraldine Toro-Kock:
ORANJESTAD (AAN) – Geraldine Toro Vera- Kock, di “Nine Lives Aruba” Foundation, den entrevista cu DIARIO a anuncia cu Diasabra 1 di Juli, di 9’or di mainta te 12 or di merdia, ta bay tin un Dia di Adopcion di pushi, hunto cu un koffiemorgen, y tambe diferente tipo di bolo cu lo wordo bendi e dia aki.
Esaki ta un evento pa famianan cu por adopta un pushi, cu tin na cantidad, Geraldine a duna di conoce. Na e momentonan aki tin mas di 300 pushi pa adopcion, y e fundacion a pone den su facebook un stop. Contando cu esnan cu nan ta alimenta riba caya, tin 337 pushi. E capacidad ta completamente yen, y te September por tuma pushi bek.
E problema di pushi riba caya ta hopi grandi, e dama a bisa. Aworaki tin mas di 7 mil pushi riba caya. E situacion cu pushi ta cu no ta wak nan manera si ta sosode cu cacho. E pushinan ta sali solamente mainta trempan of anochi pa busca cuminda.
Geraldine a menciona cu nan tin un Colony Cats, cu ta consisti aworaki di 87 pushi cu ta wordo castra y steriliza, cu tur dia ta haya cuminda y awa door di nan boluntarionan.
Geraldine a expresa cu tur hende ta bon bini na e fundacion pa wak e pushinan pa adopcion, y tambe pa cumpra e cahanan di bolo cu ta bay tin, cual entrada ta pa cumpra cuminda, etc. Pa mas informacion, interesadonan por skirbi na e fundacion via su facebook na messenger. Cualkier donacion ta mas cu bon bini, pero tambe por trece cuminda pa pushi. E invitacion ta na Jaburibari 8-B.
