ORANJESTAD (AAN): Despues di e encuesta di juli 2020, pa haya sa kico ta e deseonan di e adultonan mayor, Orguyosamente Fundacion Movemento Ta Bida,
den su proyecto Hunto Grandi, Grandi Hunto ta anuncia cu lo bay start cu e proyecto di "Hardineria". Esaki ta un di e peticionnan cu a resalta den e encuesta, hunto cu "Desaroyo Digital", cual proyecto ya a conclui y por bisa tabata un exito rotundo.
Den e proyecto di Hardineria, ta duna preferencia na adultonan di 55 - 60+ pa nan por sali for di cas pa un par di ora y encontra cu otro den un otro ambiente. Alaves haciendo algo nobo p'afo di cas. Esaki lo ta na tereno cu conhuntamente cu Cas Sjabururi a pone disponible pa Fundacion Movimiento ta Bida.
E proyecto aki sigur lo tene e curpa y e mente activo, cualnan sigur ta e meta di FMTB. E fecha tentativo pa inicia lo ta y lo tuma lugar na Cas Shabururi.
Tin algun exigencianan cu lo mester por cumpli cu ne, e.o.:
- Experiencia basico den Hardineria
- Por traha independiente
- Transporte propio
- Mester tin tempo, parti mainta
Hofi lo ta habri di dialuna-diadomingo 6:00 - 10:00
Habri pa hende homber y hende muher
Mester tene na cuenta cu cantidad di participante ta limita, pa motibo di e situacion reinante di COVID 19.
