ORANJESTAD (AAN): Lisette Gomes, presidente di Fundacion ‘Mi Voz ta bo Voz’a splica cu nan a organiza un camindata di 3 kilometer pa cera luna di prevencion di abuso di mucha.
Esaki tambe tabatin como meta recauda fondonan pa nan programa di prevencion.
Señora Gomes a splica cu participacion di muchanan tabata importante pa e por habri un combersacion honesto entre mayor y yiu relaciona cu abuso di mucha.
Abuso di mucha ta birando cada dia mas pisa na Aruba y falta hopi den parti di prevencion. Tin varios tipo di abuso, sea fisico, mental, negligencia y sexual y mester traha duro den parti di prevencion. Apesar cu e Fundacion ta contento cu castigo contra abuso sexual a wordo aumenta y e aña aki mes, Corte a impone castigonan mas pisa, pero tin hopi cambio cu ainda mester tuma lugar y Gobierno mester traha riba esaki.
E Fundacion lo organiza mas actividad den siguiente lunanan y a pidi comunidad pa participa y yuda sigui trece concientizacion riba tema di abuso di mucha.
https://diario.aw/categories/noticia/general/fundacion-mi-voz-ta-bo-voz-a-organiza-un-caminata-pa-cera-luna-di-prevencion-di-abuso-di-mucha#sigProId926b95c266