Rosa Leon ta splica:
ORANJESTAD (AAN) – Rosa Leon, Coordinador di Fundacion Hunto Grandi Hunto, den entrevista cu DIARIO a elabora tocante e Curso di Computer pa Adulto Mayor, pa nan grupo.
Leon a comenta cu pa prome biaha nan a haya participacion di hopi hende homber den e curso. Un curso innovativo manera semper HGH semper sa aporta na e adultonan mayor.
El a indica cu den pasado, hunto cu SETAR, a instrui e grandinan con pa traha cu telefon, pero e parti di innovacion di tecnologia digital, tambe ta traha cu computer, y e biaha aki nan a acerca Enseñanza pa Empleo (EPE), pa a base di nan experiencia nan tambe por a instrui adultonan mayor con pa traha cu words.
Rosa Leon a señala cu vooral awendia, adultonan 60 plus tin cu traha rapport financiero y esaki ta yuda nan con nan por bay den e parti digital na lugar di haci’e na man, mirando cu awo digitalizacion ta birando mas innovativo dia tras dia, esaki ta yuda nan pa poco, poco nan por defende nan mes den e parti tecnologico di computer.
Rosa Leon a menciona cu esaki ta e grupo basico cu a haya con pa traha excel, power point, word, y e interes tey pa bin cu un di dos curso. Den cooperacion cu EPE lo wak con pa haci esaki unda cu e adultonan mayor por wak con pa bay den internet y habri e sitenan, ki site ta confiabel, cu tambe ta hopi importante, pero lo wak con den futuro por haci esaki hunto cu Enseñanza pa Empleo, ya cu e interes tey.
{gallery}Fundacion Hunto Grandi Hunto, cu cooperacion di EPE, a aporta curso di computer pa e adultonan mayor{/gallery}
