Fundacion FAVI a re-introduci nan website

ORANJESTAD (AAN): Cu un bista cla pa e comunidad, FAVI kier invita comunidad pa check nan website renoba na:

www.FAVI-Aruba.org

   A ser splica cu e meta di e website ta pa brinda amplio informacion di su servicionan.  FAVI ta duna guia na tur persona cu tin un limitacion visual, cuminsando for di chikito te na adulto mayor. Nan sa cu no ta facil ora bo wordo confronta cu perdida di bista y cu mayoria biaha e familiar of esnan rond di e persona no sa con pa cuminsa. Tambe maestro di scol of instancianan cu ta traha cu mucha of hoben por haya informacion valioso.

   E portal educacional www.favieduca.com tambe ta contecta cu e website nobo.  E website ta den e idioma hulandes pero pronto lo tin e version ingles y informacion na papiamento den nan seccion di noticia.

   Nan kier a gradici e comunidad pa e sosten financiero cu a yuda nos den nos renobacion di nos website.

   Si abo conoce un persona cu tin problema di bista y cu e no a yega FAVI ainda, tuma contacto cu nan via oficina 582-5222 of 582-5051, tambe por via WhatsApp 560-9225. FAVI ta habri di dialuna pa diabierna for di 8:00 am te cu 5:00 pm.