ORANJESTAD (AAN): Dia 10 di December 2025, e fundacion conoci como Fuchs Family Charity Foundation a
cumpli un biaha mas cu su meta y a duna diferente organizacion riba e isla un donacion pa un suma total di 25.000 Florin.
E donacionnan annual di fundacion “Fuchs Family Charity Foundation” a cuminsa na December 1991 y tabata e deseo di Señor Adolph Fuchs (dfm) pa yuda organizacionnan caritativo riba e isla, un isla unda el a biba y traha pa hopi aña.
Pa hopi organizacion e hecho cu Fuchs Foundation ta duna un yudansa financiero ta wordo aprecia. Di e forma aki tambe Fuchs Foundation ta gradici e organizacionnan en cuestion pa e trabao boluntario y hopi balioso cu nan ta haci pa esnan den necesidad y pa Fuchs Foundation duna sosten na e organizacionnan aki pa nan sigui cu e bon trabao.
Directiva diario di Fuchs Family Charity Foundation ta consisti di Edwin Tromp, (president), Ramphis Tromp (tesorero), Yvonne Spellen (secretaria). Otro miembronan di directiva ta: Glenda Gil, Jeanine Croes, Michael Gottfried y Bryan Nemecek.
Pa aña 2025 e siguiente organizacionnan a risibi un donacion: (*) Asistencia Social Cristo Rey Brazil, (*) Asistencia Social Dakota, (*) Asistencia Social Oranjestad, (*) Asistencia Social Sta. Theresita di Niño Hesus, (*) Ayudo Parokial Santa Cruz, (*) Asistencia Social Noord, (*) Israelitische Gemeenschap Beth Israel, (*) Meals on Wheels di The Methodist Church, y (*) Stichting Hospice Atardi.
Tambe tin: (*) Fundacion Funari, (*) Fundacion Pasadia Infantil Te Aworo, (*) Fundacion Sonrisa, (*) Fundacion Trabao Social Aruba, (*) Fundacion Pro Juventud Savannah, (*) Fundacion Club Don Bosco Noord, (*) Arubaanse Stichting voor de Reclassering en Jeugdbescherming, (*) Fundacion Scouting Aruba, (*) Good Samaritan Christian Center, (*) Fundacion FADA, (*) Fundacion FAVI, y (*) Fundacion Zinnia.
Fuchs Family Charity Foundation ta masha contento di por a yuda tur e organizacionnan menciona, gradiciendo nan pa nan merito y labornan cu nan tur ta duna boluntariamente na bienestar di otronan den nos comunidad.
