Fundacion di CIBC FirstCaribbean International Bank ComTrust ta sostene Filomena College

Inovacion pa studiante 

ORANJESTAD (AAN): CIBC FirstCaribbean International Bank su sector caritativo “Comtrust Foundation” ta aporta un bes mas na e comunidad Arubano. A toca turno na sector di educacion na Aruba en especial Filomena College Mavo.

   Despues di a ricibi un carta for di directie di scol, illustrando e area nan cu nan mester ayudo, e team di Aruba a opta pa yuda nan den e area di inovacion segun sr. Giovanni Atencio country head di CIBC First Caribbean Aruba.

   Durante e bishita na scol Señora Raquel Lampe hoofd di Filomena College Mavo a comparti “Mirando cu ta practicamente 2 aña sin por a organiza fundraising manera ta costumber, scol a tuma initiativa pa acerca compania nan. E necesidad di move cu e tempo actual pa asina hisa e calidad di eduacion ta uno importante y cu no ta pasa na e manera facil y rapido desea”. Pa cu esaki Filomena College Mavo a ricibi smart TV’s pa asina brinda e studiante nan les nan mas avansa y placentero. Vak nan manera Spaans, Nederlands, Engels y tambe Wiskunde tabata tin urgencia di inclui tools nan mas avansa ora di duna les, segun Juffrouw Oduber.

   Por a nota durante bishita e entusiasmo y alegria cu e studiante nan ta sinti awo cu nan smart TV den les. Maestro nan tambe a splica cu awo cu un tool innovativo manera esaki por nota cu particpacion di cada studiante durante e les ta uno mas activo.

Den un mainta ameno a haya rondleiding di e scol y por a mira con ta haci uzo di e smart TV nan. Tambe a comparti cu pa por logra haci tur vak y lokaal inovativo Filomena College Mavo ta depende di mas donacion manera esun recibi awo. Sr. Atencio tabata tin e oportunidad di duna palabra di pabien na e studiante nan cu nan smart TV y tambe comparti e mensahe “ Ta importante pa caba cu bo studio cu ta un logro cu ningun hende por kita dibo” .