Fundacion CONPA ta expresa preocupacion profundo riba plan di parcelacion y riesgo di awa sushi

ORANJESTAD (AAN): Fundacion CONPA su plan di trabou ta inclui investigacion continuo, documentacion di investigacionnan, raportahe di esakinan, y finalmente pa stimula colaboracion entre comunidad, departamento y otro instancianan.

Segun Aaron Bislip Tesorero di fundacion CONPA, e plan di parcelacion  proponi riba dia 27 di mei,  conforme e Landsverordening ruimtelijke ontwikkeling, un tur por haci insage di e documentonan durante un luna di tempo. CONPA a haci insage siman despues cu el a sali, y cu mente  habri a mira e plan y a evalua e plan, pero a resulta cu e plan tin hopi riesgo nan di cual nos mester ta consciente.

Durante e investigacion di CONPA  a papia cu comunidad, departamentonan y otro fundacionnan, y ta resulta cu ni un persona cu a papia cu ne a wordo informa of envolvi cu e proyecto.

Ta papia di scolnan, di bisiñanan cu nan cas lo wordo kita for di nan,  ta papiando  di departamentonan concerni. Por ehempel, ora cu un caya a wordo traha, un verkeersling a wordo traha, mester considera e impacto cu e por tin riba trafico y siguridad di trafico. E Planbureau di Polis ta encarga cu esaki, y e Plan bureau di Polis no a wordo informa of envolvi tocante un verkavelingsplan cu ta asina grandi. Esey ta trece hopi preocupacion cu ne.

"Obviamente nos tin un necesidad di vivienda, anto p'esey nos mester solucion serio, no algo cu ta bay causa mas problema, mas daño cu bon."

Segun Bislip, tambe tin cu menciona e riesgo grandi di awa sushi. "Nos tur sa cu rond Aruba awa sushi ta wordo gedump ilegalmente. Tambe den e toelichting di Burumbuno residence, ta wordo menciona cu pa awa sushi, nos no sa ki solucion nos ta bay uza, nos no sa si nos ta bay uza riool, septic tanks of otro innovativo.

Esaki ta un expresion den e plan cu doñonan spirito cu ta hopi preocupante, debi cu awo ta e momento pa defini tur e puntonan aki y no ora cu a haya permiso caba".

Bislip  a bisa cu awo ta resulta cu e gulidonan y e geologia di Burubundo ta probabel cu ta bay tin cu chica awa sushi, nan por dies  laga bay den e coral.  Esey ta presenta un riesgo hopi grandi di holor stinki y awa sushi bay den areanan di pos chikito y te hasta mangel halto. Ta  simplemente hopi sorprendente cu ni un hende y instancianan di a wordo informa.