Fundacion Centro Famia Piedra Plat a ricibi bishita di Fonds voor Cultuurparticipatie

ORANJESTAD (AAN): Dia 28 di mei 2026 FCFPP a ricibi bishita di un delegacion di Fonds  voor Cultuurparticipatie hunto cu representantenan di CEDE Aruba.

Nan por a bin wak e resultado di e inversion cu nan a hasi den e proyecto di 'Let’s Act' den e bario di Piedra Plat. 

“Let’s Act” ta un iniciativa cu a nace pa stimula expresion creativo, desaroyo personal y integracion cultural den comunidad Arubano. 

Un plataforma vibrante unda hende di tur edad por explora y desaroya nan talento den: Artenan escenico: actuacion, baile, canto. artenan visual: pintamento, cosemento y musica: les di instrument di cuarta, guitara, baho, drum y piano. 

E esencia di “Let’s Act” ta mas cu un curso di arte – e ta un movimiento pa empodera y conecta nos comunidad pa medio di creatividad. 

Fundacion Centro Famia Piedra Plat ta gradici Fonds  voor  Cultuurparticipatie Caribisch Deel pa nan subsidio y tambe CEDE Aruba pa nan apoyo y confiansa den e fundacion.