Fundacion Centro Famia Piedra Plat a organisa un camp pa hobennan entre 12 y 16 aña

ORANJESTAD (AAN): Fundacion Centro Famia Piedra Plat ta cera e ultimo periodo di vakantie di Augustus 2026 cu un camp hubenil entre 12 y 16 aña

E hobennan lo explora musica, innovacion, identidad y liderazgo, un siman yen di weganan, retonan, amigonan nobo, harimento y recuerdonan inolvidabel. E manera perfecto pa diberti y disfruta di e ultimo siman di vakantie na un manera sano y dushi.

E camp lo tuma luga dialuna 10 pa diabierna 14 di augustus di 8:00 a.m. pa 1:00 p.m. Lo celebra tambe e Dia Internacional di Hoben cu ta tuma lugar anualmente dia 12 Augustus. 
Lo termina e siman cu un trip pa Aruba Waterpark diabierna 14 Augustus. E Camp ta inclui desayuno y cuminda cayente merdia.   

Fundacion Centro Famia Piedra Plat ta gradici CEDE Aruba cu ta aporta parcialmemte na e camp y ATHA pa logra yega na un prijs social pa muchanan di menos recurso pa asina tur mucha por tin e mesun oportunidad pa participa. Lo tin docentenan y asistentenan cu experencia pa guia durante henter e periodo di e camp.