*47% di e hende invita a participa den screening di pecho
ORANJESTAD (AAN): Fundacion ABO a indica cu entre januari y juni 2025, hopi hende na Aruba a tuma parti den e programanan di screening preventivo contra cancer. E cifranan di participacion ta mustra cu ainda tin espacio pa mehora:
- BOB (screening di pecho): 47% di e hende invita a participa entre 01 januari y 30 juni 2025.
- BOCA (screening di boca di matriz): 29% a participa entre 04 april y 30 juni 2025.
- CORESA (screening di colon): Solamente 15% a participa den mesun periodo.
Fundacion ABO ta sigui invita pueblo pa tuma su salud den nan man y participa den e programanan di screening. Si bo kier sa si bo ta cay den e grupo di hende invita of bo kier traha un cita, tuma contacto cu Fundacion ABO.
Bo por yama nan na 588-1212 of manda un mensahe via WhatsApp na 594-5020.
Deteccion na tempo ta clave. Ora cancer ta wordo detecta tempran, e por generalmente wordo trata bon. Cu un chekeo regularmente, bo ta duna bo mes un chens miho riba bo salud y bienestar.
