ORANJESTAD (AAN): Tabata durante di e final di Miss Beauty Aruba 2026 den ballroom di Hyatt Regency,
cu e MC Addonsito Croes a ser honra. Como cu esey ta e di 15 edicion di su certamennan di Miss Beauty Aruba, Cas Princesa Aruba, representa p’e presidente Jessica Anthonij, a honra tur esnan cu a sostene ultimo añanan.
Addonsito tabata un di nan y a ricibi su premio cu tur honor. E ta un bunita reconocimento, inespera, cu ta anima y ta demostra cu e trabou di MC ta ser aprecia.
Mayoria di biaha, e MC na Aruba, su trabou no ta ser mira como importante siendo cu esaki t’e cara y esun cu ta carga e evento. Si algo bay malo, e prome pa ta huzga t’e Maestro di Ceremonia.
Ta for di 2013 cu Addonsito a fungi como e maestro di ceremonia principal y PR di Fundacion Cas Princesa Aruba.
“Danki y pabien Cas Princesa Aruba cu e 15 aniversario y conta cu mi pa hopi aña mas. Mi gradicimento ta grandi sigur pa Prensa di Aruba cu pa tanto aña ta coopera cu nos. E premio aki ta dedica tambe na Prensa di Aruba, ” segun Addonsito.
https://diario.aw/categories/noticia/general/fundacion-a-rindi-honor-na-conocido-mc-addonsito-croes#sigProId234348158f