Fun Miles a anuncia cu Ling & Sons a bira partner nobo y cu hopi oferta atractivo

Extra beneficio pa bo compra di tur dia

ORANJESTAD (AAN): Fun Miles y Ling & Sons Food Market recientemente a firma un acuerdo nobo. Entrante diahuebs 1 di februari Aruba lo disfruta di e beneficionan di Fun Miles na Ling & Sons Food Market tambe; clientenan por spaar y redeem punto, ademas ta disfruta di tur oferta y campañanan atractivo.

   Gana premio mesora: Clientenan di Fun Miles ta keda invita pa draai e wiel cu chens di gana Fun Miles, Fun items y vouchers di Ling & Sons Food Market. Den e mes siman aki lo tin “tasting” na Ling & Sons Food Market y roadshows di Fun Miles den fin di siman. Clientenan cu haci uso di nan carchi di Fun Miles na Ling & Sons Food Market den prome siman di 1 te 11 februari tin chens di gana 10.000 Fun Miles tur dia!

   Riba diasabra 10 di februari tin un premio extra: shop 1 minuut gratis. Suficiente motibo pa bishita Ling & Sons Food Market, sigui rednan social, y ceda pendiente pa mas oferta atractivo.

   Un etapa nobo y existente pa miembronan di Fun Miles: Director di Fun Miles Wouter de Leeuw ta orguyoso. “Nos colaboracion ta drenta un etapa nobo den cual tur nos miembronan na Aruba tambe por probecha di ofertanan fantastico, spaar y redeem Fun Miles na Ling & Sons Food Market.” Awor cu Ling & Sons Food Market a bira partner e ta mas interesante ainda pa bira miembro di Fun Miles. Esaki por, facil y lihe serca tur partners di Fun Miles.

   Omar Barrientos COO di Ling & Sons Food Market: “Nos ta hopi contento di por comparti e partnership entre Ling & Sons e supermercado mas grandi na Aruba y Fun Miles, e programa di lealtad mas grandi den Caribe na unda cu awo padilanti clientenan por colecta Fun Miles cu cada compras cu nan haci na Ling & Sons. Cu e partnership aki, Ling & Sons ta brinda comunidad di Aruba, mas beneficio, mas balor back pa nan compras y ta expresa tambe gratitud na e fiel clientenan y ta spera di por sigui conta cu nan lealtad den Ling & Sons como nan supermercado di confianza aki na Aruba.”

   Como un Cliente balioso, bo merece lo miho. E beneficionan di Ling & Sons awor ta extende tambe pa tur miembronan di Fun Miles na Aruba. Nos di Ling & Sons ta warda un y tur cu entusiasmo pa mira bo den e tienda, acumulando miles cu bo compras y miles cu bo por redeem na  Ling & Sons of cu cualkier di e partners di Fun Miles na Aruba, pero tambe na Bonaire y Curacao.

   Riba potret por mira Wouter de Leeuw (director Fun Miles) y Omar Barrientos (Ling & Sons), y tambe por mira Sharin Treurniet, Marlenne Maduro, y Mirla Passchier.