Segun señor Daryl Lue di DOW:
ORANJESTAD (AAN): Daryl Lue, Hefe di Maneho di Infrastructura na Departamento di Obranan Publico (DOW), den entrevista cu Matutino DIARIO, a elabora riba un proyecto cu ta den desaroyo, relaciona cu e temporada di e siguiente carnaval 2026.
El a indica cu esey ta un “overrijdbaar”, unda e trafico lo por lora pasa riba dje. DOW ta bay pone baricada pa ningun hende para riba e overrijdbaar, pero e publico por para riba e acera mes.
Pa locual ta e ruta di carnaval Lue a splica cu DOW ta reuniendo cu tur e stakeholders, SMAC, y den e reunionnan nan ta discutiendo e aspectonan relevante. “Te aworaki tur cos ta bon, no tin cosnan cu por bisa cu ta malo, pero nan ta bay ta evaluando den e stakeholders meetings, pa wak si tin algo cu lo cambia; pero, por lo pronto tin nada pa cambia”, Daryl Lue a expresa.
El a comenta cu tin algun punto di atencion pa evalua, pero pa aworaki nan ta ocupa den e ruta permanente. “Si tin otronan pa cambia hunto cu KPA nan lo wak e logistica y con pa hacie y nan ta ocupa cu esey, pero por lo pronto e lo keda manera e ta, y te cu aworaki aki kavel y tur e aspectonan ey ta keda manera cu ta”, señor Daryl Lue a señala.
