Frida Loopstok celebrando su di 25 aniversario na Do It Center

ORANJESTAD (AAN): Famia Ponson recientemente a organiza un cena na un restaurant local, unda a hiba algun staf y personal di Do It Center,

como tambe famia di Frida Loopstok, debi na e hecho cu 25 aña pasa del a drenta den servicio cu e compania.

   A yega na e restaurant y a haya e mesa largo bunita decora, cu blaas den colornan special, como tambe regalonan poni riba mesa pa Frida.

   Pa 25 aña largo, Frida tabata na curason di dedicacion, e espirito di excelencia, y e nucleo di teamwork.  Su pasion y perseverancia na trabao no a djis forma exito pa tur, pero a inspira tur empleado rond di dje.  Nan tur ta hopi agradecido pa e añanan dedica na e compania, cu awor ta conoci como Do It Center.  Y keto bay tur dia e ta sigui demostra e bunita ehempel.

   For di gerencia el a ricibi diferente regalo, un certificado, plaquette, y e acostumbrado envelop.  Y a haya abrazo di tur esnan presente, kendenan ta feliz di tin Frida den nan bida.