Freewinds ta yama e poblacion di Aruba bon bini abordo un biaha mas

ORANJESTAD (AAN):  Riba diabierna anochi, e pasarela di Freewinds a habri pa amigonan di Aruba pa un concierto cu a deleita e multitud.

E banda di Freewinds cu a interpreta un variedad di cancion, for di Santana te Jimi Hendrix, cu un toke di baladas latino, a ricibi un ovacion grandi di e publico na son di e mundialmente famoso "Oye Como Va".

                Despues di a traha hunto cu lidernan di e isla y comunidad pa sobrepasa un pandemia preocupante y problematico, E Freewinds ta sinti su mes feliz y honra di yama e poblacion di Aruba bon bini abordo un biaha mas.

                Despues di un introduccion special di e famoso actriz venezolano Ruddy Rodriguez y e Capitan di Puerto di Freewinds, Sr. Ken Weber, e multitud a keda entreteni den e singular y distinguido Cabaret Starlight di Freewinds pa su banda, compuesto di musiconan internacional di Inglatera, Francia, Grecia y Italia.

                "Nos ta gusta toca y actua pa e poblacion di Aruba. Den e ultimo añanan, nos a haci hopi amigo y tabata bunita pa mira nan awenochi na cas cu nos riba escenario actuando pa nan. Musica ta un idioma universal cu ta comunica cu tur hende y nos ta orguyoso di por comparti esaki pa trece mas goso na e isla aki”, e musico Principal di e banda Freewinds a declara.

                E multitud tabata parce di tin un opinion similar mientras nan tabata broma y canta, terminando cu un ovacion para despues di e ultimo cancion.

                Nan a sali for di Cabaret Starlight sonriendo y expresando sentimentonan describi cu palabranan manera "genial, asombroso, magnifico, excelente, tremendo!"E mensahe comun cu a sobresali di nan entusiasmo ta e felicidad di ta bek abordo di e Barco Freewinds cu a forma parti di nan bida y di bida di hopi hende den Caribe durante e ultimo 35 aña.

                "Freewinds semper ta aki pa nos, nan ta parti di e comunidad, nos por yama nan famia. Nan ta haci tur loke nan ta haci pa nos comunidad y pa otro comunidadnan den Caribe pasobra esaki ta parti di nan vision y filosofia", Sr. Errol Zebeda, Hefe di Maneho Operativo di Polis di Aruba, a bisa. el a disfruta di e concierto cu su esposa y algun amigo.