Franklin Seute y CMB ta apoya studiantenan cu ta bay biba afo

ORANJESTAD (AAN): Nos studiantenan mester di tur herment cu ta posibel pa asina sigura nan exito.

            Pesey ora Franklin Seute a presenta su buki “Living Rich As Student”, Caribbean Mercantile Bank a dicidi di sponsor 300 copia pa tur studiantenan interesa.

            E buki aki ta focus riba e bida di studiante na Hulanda y banda di ta contene informacion sumamente balioso tambe presenta cu un profesionalismo sin igual.

            Ayera diadomingo Franklin a duna un workshop na John F. Kennedy Education Center y diamars awo lo ripiti esaki. Studiantenan interesa ta wordo recomenda pa atende esaki y di biaha pasa busca un copia gratis di e buki cortesia di CMB.

            Pa inscribi por bishita website di www.ea.aw y cuponan ta limita.

            E buki aki “Living Rich As A Student” tambe lo ta na benta den e boekhandelnan local.