ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal na dje, y bo ta cla pa hunga.
E biaha aki, e ciudadano Frank a dicidi na combina su numbernan special pa asina cumpra su ticket di Zodiac.
Y el a bira feliz pa mira cu nan a sali tambe!
Pesey riba Diahuebs el a acudi na oficina di Lotto na Playa pa reclama su premio. El a mustra e funcionarionan su ticket cu e firma patras y tambe numbernan di su cuenta di banco. Ora di a scan e barcode, inmediatamente e computer a indica cu Frank a gana e suma di 37.500 Florin cu Zodiac Merdia.
Mesora a cuminza cu e proceso pa transferi e premio electronicamente pa su cuenta di banco.
Frank a splica cu e ticket ganador el a cumpra na Lucky Numbers.
