ORANJESTAD (AAN): E wega ta facil! Djis escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Francisca a haci y el a gana tambe. Pa tal motibo Diabierna el a acudi na oficina di Lotto pa reclama su premio. Aki mesora nan a revisa su ticket pa check si el a pone su firma y mas.
Ora di a scan e ticket, e computer a confirma cu Francisca a gana 12.750 Florin cu wega di Zodiac Merdia.
Mesora a sigui cu e proceso pa transferi e premio electronicamente pa su cuenta di banco. Francisca a indica cu e ticket ganador el a cumpra na Cadena Alexander Santa Cruz.
