Pa por construi Centro pa Rehabilitacion y Trauma pa damanan
ORANJESTAD (AAN): Fundacion E Fortaleza y Sosten pa Famia, trahando riba e Construction di Centro pa Rehabilitacion y Trauma exclusivamente pa Damas ta lansa un campaña extenso di recaudacion di Fondo, den cual Henter Aruba por participa.
Tur hende por yuda segun nan forsa, segun nan boluntad, cu alegria den nan curason, pasobra Dios ta bendiciona e dunador alegre, esun cu ta stima su prohimo y ta compronde cu e Centro ta un necesidad y e momento a yega pa bo duna bo apoyo.
E campaña aki ta continua te ora e proyecto ta completamente realisa; Nos ta papia di oficina y trainingcenter cu lo wordo construi cu Trailers, pero e lugar pa por mantene hende lo wordo construi completamente como un edificio di 40 camber, un lugar decente limpi cu tu e facilidadnan cu un hende mester pa e por recupera y bin bek den comunidad. Un lugar cu mester bini cu un seguridad hopi halto. Ta pesey mester di apoyo di tur hende.
Nan tin barinan di donacion cu por wordo poni tur caminda, hasta na scol si esey ta permiti. Tur supermarket, tur botica, tur restaurant, hotel, snackbar, Fastfood Restaurant, Hardwares, tur Iglesia, warda di Polis, Belastingkantoor. Agencianan di auto, Compania di Aseguro, tur locual ta Horeca. tur Gasoline Stations. Elmar, Setar, WEB, tur MFA, Banconan, etc.
Awor a yega e momento cu nos tur por yuda saca nos cara. Si abo tin lugar pa pone un bari di donacion of lugar pa pone un Donation Cardholder, yama nan na 740-3237 of 661-9150, of manda bo email na: This email address is being protected from spambots. You need JavaScript enabled to view it.
Djis tira un bista y wak pa bo mes con bo por duna bo apoyo y con bo por yuda cu stations.
