Prolongacion encargo di formacion gobierno
*Ainda no a cuminza cu screening di e Ministronan nobo
ORANJESTAD (AAN): Por corda con Gobernador Alfonso Boekhoudt riba 14 di Januari a apunta señor Mike Eman y tambe señora Gerlien Croes como formador. Durante di e simannan siguiente, e formadornan a informa Gobernador regularmente tocante e progreso den e implementacion di e encargo di formacion.
Diamars e formadornan a entrega Gobernador un relato provisional. Formadornan a indica cu a papia cu un gran cantidad di organizacion durante di e ultimo simannan. Sinembargo, e evaluacion di capacidad di e candidatonan pa e funcion di minister y di minister plenipotenciario, segun e exigencianan di e ‘Landsverordening integriteit ministers’ no a cuminsa ainda.
Mirando cu e evaluacion ta worde realisa pa garantisa integridad di administracion publico, ta di importancia pa permiti suficiente tempo pa realisa e evaluacion aki pa esaki sosode cuidadosamente.
Diamas mes, Gobernador di Aruba a pidi formadornan pa riba 13 di maart mas tarda, presenta cerca dje cu e acuerdo definitivo di gobernacion, e reparticion di cartera y pa sigura cu riba e fecha ey tambe e resultadonan di e investigacionnan haci bao di e ‘Landsverordening integriteit ministers’, por worde discuti.
