Final di Festival Arte di Palabra ABC 2022

ORANJESTAD (AAN): Diasabra 28 di mei Fundacion Arte di Palabra ta organisa e final di Arte di Palabta ABC. 

            Na tur, 44 hoben di Aruba, Boneiro y Corsou lo presenta cu sea un cuenta of un poema. E competencia ta tuma luga di 10:00 pa 14:00 na K- Center Brievengat na Corsow.

            Diahuebs dia 26 di mei, un total di 10 hoben hunto cu lidernan di Departamento di Cultura, lo biaha pa Corsou pa asina representa Aruba na nos isla ruman.

            Hobennan di Aruba cu lo participa ta: Genevan Maduro, Loui - Angelo Bislick, Eliziën Antersyn, Jathan Franken, Guizza Steenvoorde, Qryna Antersijn, Jason Wester, Heily-Ann Giel, Xie-Marie Larmonie y Nigella Albertus.

            Un danki special ta bay na Jhon Freddy Montoya y Joan Danies cu a prepara e hobennan di Aruba pa e competencia pa via di tayernan hopi intensivo. Di parti di Ministerio di Cultura y Departamento di Cultura, ta desea e hobennan aki hopi exito. 

            Manera custumber, e competencia ta dedica na algun baluarte cu ta duna un contribucion valioso na nos idioma Papiamento. E aña aki e Tapushi Literario ta bay na e siguiente personanan.

Aruba: Ruthy Vrieswijk

Boneiro: Emma Sint Jago

Corsou: Bernadette Heiligers - Halibi y Bianca Neman

            Por sigui e final aki via pagina di facebook Arte di Palabra. 

Potretnan: Gerald Martina