Filomena College MAVO orguyoso di Prins Paki y Pancho Paya

Filomena College MAVO orguyoso di Prins Paki y Pancho Paya

ORANJESTAD (AAN): Alumno, amigo y famianan a bay Centre di Bario Dakota for di pariba di brug pa apoya masalmente nan candidatonan preferi pa Prins cu Pancho hubenil 2027.

Zayron Geerman – Prins Paki y Jaydrick Panneflek – Pancho Paya, a representa Filomena College MAVO y Dushi Carnaval group na gran forma contra e TOB/Kiwanis y  Empire/Maria College. Na final dje anochi, e hurado a saca como ganador, Prins Paki y Pancho Paya pa’e di 62 edicion di Prins cu Pancho di Aruba su carnaval.

E unico di esaki ta, cu ta pa prome biaha den historia cu Filomena College MAVO ta uni na Dushi Group y ta trece e corona San Nicolas.

Directorado y cada alumno di FCM ta gradici cada mayor, trainer Endrick Panneflek, Dushi Carnival Group ycada compañero di scol cu a acudi masalmente apoyando y yudando Paki y Paya conkista e premio maximo y unico aki.

Potret pa cortesia di Bryson Media, Rex Aruba, Zoom Aruba y Click it Carnaval.