Filomena College MAVO a celebra 'Siman di Aprecio pa Maestronan'

ORANJESTAD (AAN): Siman pasa, Filomena College MAVO na San Nicolas a tene e asina yama 'Siman di Aprecio pa Maestronan'.  

Bao guia di juffrouw Judesca Holsman, cada dia e mesa central den lerarenkamer tawata dorna cu producto diferente como aprecio y regalo pa cada maestro y miembro di personal.

Di e forma aki directorado di FCM ta mustra e aprecio pa tur maestro y personal cu ta contribui n’e educacion di su alumnonan. Danki inmenso na Martijn Trading, fundacion MiJu, Subway, TEC Inc Aruba, Swift Distribution, Pelican Adventures, Sublicious Aruba y e bunita colaboracion di Tiny Spoons by Youth House Montessori cu nan dushi bebidanan cayente y friu.