Fiesta di mita aña marca cu logronan na Playa Linda

ORANJESTAD (AAN): Empleado, gerencia y hunta di directiva di Playa Linda a bin hunto pa conmemora e mitar aña,

manteniendo asina un tradicion anual cu ta honra y reconoce y logronan realisa pa medio un trabao di ekipo sobresaliente.

   Dmpleadonan a ricibi reconocimento bon mereci pa nan contribucionnan diario y, a cambio, a expresa nan sincero aprecio pa un gerencia y hunta di directiva cu a sa di sostene nan. Ta e partnership aki ta sigui haci e experiencia di Playa Linda Beach Resort berdaderamente excepcional pa tanto empleado como huespednan.

   E sentido di un comunidad estrecho cu ta biba tur dia na e popular timeshare na Palm Beach, un biaha mas tabata evidente durante un anochi di cena, baliamento y alegria. E mesun espirito di logro comparti tabata extendi na Presidente saliente di directiva Angela Guarino, kende su 17 aña di servicio y dedicacion a yuda garantiza mehoramento y inovacion continuo di e marca di Playa Linda.

   E cariño cu tur hende tin p’e tabata claramente visible den un serie di gesto sincero yena cu aprecio. E hunta di directiva a regal’e un retrato pinta na man di artista local Hendrik Schouten, mientras cu empleadonan i gerencia di Playa Linda a honr’e cu un cuadro di e resort firma pa tur empleado, hunto cu un plakaat formal pa conmemora su hubilacion. Ademas, e Hunta a anuncia cu e edificio di gimnasio y spa nobo cu ta planea pa Playa Linda, lo hiba e nomber di Angela M. Guarino Health & Fitness Center na su honor. Bou di su guia, Playa Linda a logra amplia tanto e categoria di suite como di su facilidadnan, incluyendo e plannan pa un centro di fitness hopi mehora.

   Por lo general, e celebracion di mitar aña a proba di ta un evento exitoso, cu su sentido di celebracion amplia pa e ritmo y musica di e popular banda Tsunami, y den mas ainda aumenta lasonan estrecho entre e ekipo talentoso di Playa Linda.

   Riba potret di grupo por mira Angela Guarino (meymey) flankea pa team di maneho ehecutivo di Playa Linda Executive Management Team, GM Peter van Grinsven, Operations Director Sulaika Kelly, Financial Director Ann Brinkman y Executive Housekeeper Ingrid Todd, y coleganan miembro di hunta di directiva Michael Nowicki, Michael Storch y Gary Hofstetter.