Fiesta di fin di aña di Fundacion Centro di Pesca Hadicurari

ORANJESTAD (AAN): Ta hopi bunita pa mira con e union di piscadornan na Aruba ta sigui crece,

y ta bisto cu unabes tin bon union, cu esaki ta produci resultadonan positivo pa tur esnan den mundo di pesca.

   Esaki por a nota recien durante un Fiesta di Fin di Aña cu a ser organiza pa piscadornan y nan famia na Centro di Bario Noord.

   Fundacion Centro di Pesca Hadicurari a organiza esaki, y te cu ainda ta hopi bon comentario so por tende di e anochi aki.  Un chens unico pa e piscadornan den un ambiente social por a combersa riba tur sorto di topico.  Alavez nan tur ta hopi positivo cu den 2025 nan lo bay tin mas progreso cu nunca den mundo di pesca na Aruba.