Diasabra awor
ORANJESTAD (AAN): E aña aki Colegio Arubano ta celebrando 65 aña di existencia, y den cuadro di esaki ta organizando un fiesta grandi Diasabra awor, 19 di October 2024 riba tereno di scol mes. E ta destina pa tur hende, incluyendo tur ex-alumno di Scol.
DIARIO recien a publica caba informacion di e fiesta aki, cu lo ta di 7:00 pm te cu 12:00 am riba tereno di scol, y bo por cumpra cos di come y cos di bebe tambe, e.o. Chichi’s Food Truck, y bebidanan di Tian-You Aruba cu nan bebida di boba. Key Club Colegio Arubano tambe lo ta bende pasaboca, y tur esey pa bon causa. Ta pidi tur hende bin bisti ‘casual elegance’.
Como animacion musical, a sali na cla cu lo tin animacion di DJ Sky, tambe Tsunami Band, y Robert y su Solo Banda Show.
Sinembargo awor a bin haya sa, cu e asina yama ‘Colegio Arubano Band’ tambe lo ta subi escenario pa deleita tur hende. Corda cu keto bay Colegio Arubano ta stimula creatividad y talento entre su alumnonan, y pesey e Colegio Arubano Band ta cla pa pone ambiente.
Por cumpra ticket pa e fiesta na Administratie di Colegio Arubano na Vondellaan 14, na Plaza Bookshop, y tambe riba pay.aw pa mas facilidad.
