Biblioteca Nacional Aruba
ORANJESTAD (AAN): Den siman di dialuna dia 3 di november pa diabierna dia 7 di november biblioteca ta bishita mas cu 50 scol riba nos isla. Biblioteca ta presenta un grupo di autor di buki pa mucha y tambe ilustrador. Pa Festival di Buki pa Mucha 2025 muchanan na Aruba ta lesa storia di aventura.
Autor y contador di storia y ilustrador di Hulanda ta: Wouter Goudswaard, Daniëlle Schothorst, Jeroen Hoogerwerf y Evelien van Dort. E grupo aki ta bishita scol pa conta storia, papia tocante buki cu mucha y tambe ta stimula mucha pa lesa mas.
Apertura di e festival ta diadomingo dia 2 di november pa 3or den Ballroom di Paseo Herencia cu un show festivo y tur mucha ta bon bini!
Biblioteca Nacional Aruba ta gradici sponsornan pa e festival.
https://diario.aw/categories/noticia/general/festival-di-buki-pa-mucha-2025-ta-yena-cu-storia-y-aventura#sigProId959da02341
