Fenomenal tabata Lighting Parade 2025

ORANJESTAD (AAN): Dilanti algun mirones, e Parada conoci como “Lighting Parade” di Diasabra anochi, a dura como 4 ora pa pasa nan dilanti.

  Hopi grupo bunita, colorido, y cu participantenan yen di sonrisa, ta loke por a observa.  Musica a sona bon!  E ‘vibe’ di participantenan tabata excelente, y e guia di SMAC tabata formidabel.

   E anochi a habri mas dilanti cu un fenomenal trailer cu Massive Brassband riba dje, cu tabata rindi homenahe na e ritmo di Asambeho.

   Palabra di pabien na tur esnan cu a yuda haci e Carnaval di Aruba sigui di ta grandi den 2025.  E tabata fenomenal.  Pabien na tur participante cu a haci esaki grandi!