Felicidad a resalta durante e Parada

ORANJESTAD (AAN): E tabata simple, pero toch e ambiente y diverticion tabata total y yen di bacanal.

Y como cu publico tin hopi luna wardando un baliamento publico riba caya, esey mes a pone cu e Carnavalistanan a goza inmensamente Diasabra anochi den e Parada Nacional di Luz.

   E ta nifica tambe e momento cu Aruba ta bayendo bek pa normalidad.  Tabatin diferente body-piece riba caya, y hopi di nan ilumina y cu tema di Aruba.

   Pero manera por mira riba e caranan aki, e felicidad tabata resalta den tur skina durante e Parada.