Maroushka Rafini, Staf Medewerker FCCA:
ORANJESTAD (AAN) – Como un mensahe pa comunidad, den cuadro di e 45 aniversario di FCCA sirbiendo pueblo, señora Maroushka Rafini, Staf Medewerker di e fundacion, a pidi pa no scucha locual ta wordo bisa eyfo.
“Bo no tin cu haci cita, nos drempel ta hopi abao, bo ta yega nos ta suficiente hende akinan pa atende bo, y haci e preguntanan directo na FCCA, pasobra tin cosnan cu hende ta papia di FCCA cu no ta berdad”, Rafini a señala.
El a subraya cu FCCA ta hopi habri pa papia, pa duna financiamento segun presupuesto, nan ta yuda e cliente, ta gui’e pa traha cas, no ta asina manera antes hendenan tabata bisa cu nan no ta bin FCCA pasobra si nan salario ta subi, tur cos (huur entre otro) ta subi pero nan no tin esey mas. Awo nan ta traha cu un solo tabel, Maroushka Rafini a señala.
