ORANJESTAD (AAN): E dianan aki tin hopi hende na Aruba cu ta birando victima di hackers y esnan cu ta scam nan pa placa.
Enamora di muhernan inocente di Aruba, gañando nan cu nan ta “soldat Mericano staciona na Afghanistan” y nan ta pidibo placa pa yuda paga pa nan telefon, pa nan internet, pa manda regalo pa nan mama of ruman, etc. Tur esey siendo cu tur soldat Mericano a bandona Afghanistan dia 30 di Augustus 2021. Pues hende muhernan cu curazon debil ta cay pa e tipo di hendenan sin escrupulo. Gañabo cu nan no por ni haci “voicechat” of “videochat” cu bo, siendo cu miembronan di ehercito, navy, y forza aereo Mericano tin acceso na e speed di mas halto di Internet.
Pero awor a bin algo nobo, nan ta mandabo un mensahe pa pidi bo number di telefon, y pa yuda nan cu un “Code di Facebook”, of “Code di Instagram” cu abo lo ricibi via telefon, y pa duna nan e code ey. Esey ta algo cu nunca y hamas bo mester haci. Nunca duna un hende un code cu drenta via bo telefon. Pasobra cu e code ey, nan lo hack y tuma over bo account.
Awor tin un situacion nobo, caminda clientenan di Fundacion FCCA ta hayando email cu ta ponebo habri un “proposal” pa bo atende cune.
FCCA a bati alarma na comunidad, cu e emailnan ey ta falso. Ningun hende na FCCA ta mandando email asina. Pa colmo e hackernan ta “spoof” e address di FCCA tambe.
Si acaso bo haya un email cu ta bin di: “This email address is being protected from spambots. You need JavaScript enabled to view it.”, sea cauteloso! Mihor bo blokea of raporta e email como ‘scam’. Sigur no bay habri esaki.
Esnan cu a habri e email ta mira e mensahe: “Hi. Please see below proposal.. for your review. ‘Review fccaruba Proposal”.
FCCA a indica cu nan a nota cu algun contacto a ricibi e email ey. E ta bin di un address cu NO ta existi. Mihor delete e email inmediatamente pasobra e no a bin di FCCA.
