NEWARK: E turista Barbara Dorothy Shaw kende tur invierno ta bin pasa simannan largo na Aruba cu su casa Donald,
a fayece mey-mey di luna di November cu edad di 89 aña. For di hoben su deseo ta pa bira enfermera, y el a gradua pesey cu un Bachelor of Science den Nursing for di Skidmore College na 1956.
Despues di a gradua, el a casa cu Donald Norman Shaw y a muda pa New Jersey y a bay biba den pueblo di Mountain Lakes cu no ta mucho leu for di Newark. E tabatin un carera satisfactorio como un enfermera registra na St. Claire’s Hospital, y cu oficinanan priva di Docter.
Barbara tabata enfoca hopi riba su famia, y e tabata gusta viaha, pero su destinacion principal tabata Aruba. E ta bin pasa tur winter na Aruba hunto cu Donald, y tabata trece famia y amigonan tambe.
El a bay laga cuatro yiu, siete nieto, cinco bisanieto, y numeroso sobrino y sobrina.
Famianan a dicidi cu nan lo bay celebra su bida durante un ceremonia na primavera di 2024.
