WILMINGTON, North Carolina: E noticia tristo a drenta recien, cu un di e turistanan cu pa mas di 35 aña tabata bishita Aruba pa pasa vakantie,
a fayece na su cas na Merca. John D. Flemings a fayece fin di September 2023 cu 85 aña di edad.
El a bay laga su casa Carolyn Flemings-McSheen cu kende e tabata casa 57 aña largo. El a laga tambe su yiu homber David Flemings, y su yiu muher Kristen Novelli, y su cuatro nietonan.
John a nace na Worcester (Massachusetts) y como teenager tabata encanta verkennerij y a traha varios vakantiejob na New Hampshire, Maine, y Massachusetts.
El a agradua na 1960 cu un grado di B.A. den Psychology, y despues a bay pa su Masters den Social Work na Columbia University na 1962. Despues di graduacion, el a bay den US Navy. El a traha despues pa hopi tempo den Departamento di Conseha Hoben- y Famianan.
El a casa cu Carolyn dia 11 di Juni 1966 y a biba na Rhinebeck (New York) pa mas di 30 aña prome cu a muda pa Wilmington pa goza di nan pensioen. Nan a haya un pasion pa viahe, y a bishita e.o. Europa, Hawaii, y Caribe.
Pero e isla mas faborito di nan a bira Aruba, unda cu nan a keda bishita esaki pa mas di 35 aña cu un grupo special di amigonan. E tabata un experto di cuido di e matanan special di Bonsai.
Recien John a skirbi un buki encuanto su buki y di su antepasadonan, yena cu hopi potret, como un regalo pa su yiu y nietonan.
