Faya Bo Haya 13 ta inclui mud race y careda den reverse

ORANJESTAD (AAN): Dentro di poco ta bay tuma lugar un biaha mas Faya Bo Haya y

durante un conferencia di prensa a wordo splica cu e dia aki di show y careda ta un fundraiser pa yuda entre otro Jason Geerman sigui bataya na Merca cu nombernan grandi den mundo di careda.

Geerman, doño di Destroyer 1 y Destroyer 2  mes a splica cu Diasabra awor pues ta bay tuma lugar Faya Bo Haya 13 na pista di Palo Marga.

Despues di gradici tur e sponsornan, Geerman a splica cu e meta di e actividad ta pa haya fondo pa e sigui mantene su brommer na Aruba y esun na Merca, pa sigui participa na e competencianan.

For di Diahuebs caba tabata e prome dia di e evento, esta e Car and Bike Show na Wen-kee Bar and Restaurant, mientras cu Diasabra e porta na Palo Marga ta habri for di 14:30, unda cu 16:00 lo tin e prome y unico rond qualifiers pa loke ta e categorianan.

“Manera ta e custumber lo tin un rond pa esnan cu a perde por drenta bek”.

Ta bay tin parkeo y parkeo VIP Diasabra.

E categorianan cu lo mira accion Diasabra ta Faya Bo Haya scooter, quadracer, junior dragster, cu tin bon premionan pa e ganadornan.

Tambe lo tin Faya Bo Haya auto, bikes y mas, tur cu bunita premionan, segun Geerman.

Algo cu sigur ta bay hala atencion ta e caredanan den lodo (mud race) y e caredanan den reverse, segun Geerman.